Նախագիծը նախատեսված է 2024թ․ հունվարյան ճամբարում ջոկատի սովորողների համար (9,10,11-րդ դասարանների սովորողներ)
Նպատակն է՝ ուսումնասիրել տարածաշրջանային հնարավոր զարգացումները, ձևավորել գիտելիքներ պետականաշինության մասին՝ տնտեսության, քաղաքականության, պետական և հասարակական կառույցների, զինված ուժերի, իրավապահ մարմինների գործունեության հիմունքներ, մշակույթ և այլն։
Գործունեության տևողությունը․ 2024թ․ հունվարի 8-26
Անհրաժեշտ գործիքներ՝ համակարգիչ, հեռախոս, էլեկտրոնային կապի միջոցներ, համացանց, ազգային ուտեստ պատրաստելու համար անհրաժեշտ մթերք,
Կիրառվող մեթոդներ. Համագործակցային, խմբային, հետազոտական-որոնողական, անհատական:
Խնդիրները․
Ձևավորել և զարգացնել գիտելիքներ տարածաշրջանի, հարևան ժողովուրդների, ազգային փոքրամասնությունների իրավունքների վերաբերյալ։
Սցենար
Աշխարհաքաղաքական զարգացումների արդյունքում տարածաշրջանում ստեղծվում է Նոր պետությունը։
–Անվանումը Յունա
Պետական խորհրդանիշներ
Դրոշ
Զինանշան
Յունայի ֆիզիկական քարտեզը, դրոշը և զինանշանը Շահանե Հովսեփյանի բլոգում
Պետության տարածքը, սահմաններ։ Յունան կղզի է, գտնվում է Միջերկրական ծովի կենտրոնական շրջանում։ Տարածքը կազմում է 30 000 քառ․ կմ։ Մայրաքաղաքը Սիմոնե։
Կլիմա հատուկ է մերձարևադարձային գոտուն, ամռանը ձևավորվում է մերձարևադարձային անտիցիկլոնների, ձմռանը՝ միջին լայնությունների ցիկլոնների ազդեցությամբ։ Իշխում է հիմնականում մեղմ եղանակ միջին ջերմաստիճանը 23-25 աստիճան։ Յունայի աշխարհագրական դիրքի և առանձնահատկությունների մասին մանրամասն Մերի Կարապետյանի բլոգում։
Բնակչություն Յունացիները հնդեվրոպական լեզվաընտանիքի ժողովուրդ են: Էթնիկական սեփական անվանումն է “Յունոս”։ Յունայի հիմնական բնակիչները Յունոսներն են, նրանք կազմում են ընդհանուր բնակչության մոտ 65 տոկոսը։ Ապրում են նաև հույներ, իտալացիներ, հայեր, հնդիկներ, չինացիներ։ Յունոսների մասին մանրամասն Ամալյա Մաչյանի բլոգում։
Պատմական ակնարկ Յունայի մասին առաջին տեղեկությունները վերաբերվում են մթա 5-րդ դարին։ Հիշատակություն կա Հերոդոտի “Համաշխարհային պատմությունում։ Յունայի պատմության և զարգացման մասին մանրամասն Ալեն Մանգասարյանի բլոգում։
Դավանանք Յունայի բնակիչների հին հավատալիքների մասին են վկայում հայտնաբերված հնագիտական նյութերը։ Քրիստոնեությունը Յունայում տարածում է ստացել մթ 2-3-րդ դարերում։ Մ․թ․ 5-րդ դարում Ստեֆանիա 5-րդ թագուհու կառավարման տարիներին քրիստոնեությունն ընդունվեց որպես պետական կրոն։ Յունային հատուկ է դավանական հանդուրժողականությունը։ 10-11-րդ դարերում հայտնվեցին արաբներ, սակայն արաբական արշավանքները հիմնականում շրջանցեցին Յունան և իսլամը Յունայում այնքան տարածում չունեցավ։ Յունայի կրոնի և դավանանքի մասին մանրամասն տեղեռկությունները Աշոտ Զոզանյանի բլոգում։
Մշակույթ. Խոհանոց․ Գերակշռում են միջերկրածովյան խոհանոցին բնորոշ հատկանիշները։ Գերակշռում են ծովամթերքը, հացահատիկային բույսերից պատրաստված ուտեստները, մսի օգտագործումը չափավոր։ լայնորեն օգտագործում են բնական հյութեր և մրգային ալկոհոլ։ Ամենատարածված ուտելիքը զանազան հավելումներով պաստաներն են։ Մենք ներկայացրեցինք “Պաստա Սիմոնան”, որը մեծ ժողովրդականություն է վայելում Յունոսների շրջանում։ Մանրամասները Սեդա Ստեփանյանի բլոգում։
Կրթությունը և գիտությունը Դարեր շարունակ Յունայի իշխանությունը կարևորել է կրթության դերը։ Միջնադարում Յունայում են ապաստան ստացել ինկվիզիցիայի կողմից հետապնդվող բազմաթիվ գիտնականներ։ Հետագայում ևս կրթությունը և գիտությունը վայելել է թագավորական տան բարձր հովանավորությունը։ Յունայում են գտնվում միջազգային բազմաթիվ առաջատար գիտական և կրթական հաստատությունների մասնաճյուղեր։ Կսն պետական՝ անվճար և մասնավոր կրթական հաստատություններ, որոնց հավաստագրերը միջազգային բարձր համարում ունեն։ Յունայի կրթության և գիտության մասին ավելի մանրամասն՝ Լիլիթ Ղազարյանի բլոգում։
Պետական կարգը, Կառավարման ձևը․ Յունան սահմանադրական միապետություն է․ Իշխում է թագուհի Ստեֆանիան։ Թագավորական ընտանիքը ազգակցական կապեր ունի եվրոպական բոլոր խոշոր արքայատոհմերի հետ։